რუსეთი საქართველოსთან ორმხრივი ურთიერთობების ნორმალიზებაზე საუბრობს

საქართველოს 20% რუსეთის მიერაა ოკუპირებული, საზოგადოების უდიდეს ნაწილს ევროკავშირი სურს, სერგეი ლავროვი კი, ჩვენი ქვეყნის ხელისუფლებასთან ორმხრივი ურთიერთობების ნორმალიზებაზე საუბრობს. რუსეთის საგარეო საქმეთა მინისტრმა "რია ნოვოსტისთან" ინტერვიუში თქვა, რომ ქართველმა ხალხმა თავისი არჩევანი გააკეთა, რასაც რუსეთი პატივისცემით ეკიდება. მისივე თქმით, აშშ და ევროკავშირი "ხელოვნურად ცდილობენ საქართველოში მიმდინარე საარჩევნო პროცესი წარმოაჩინონ, როგორც სტრატეგიული არჩევანი რუსეთსა და დასავლეთს შორის".“

„სინამდვილეში, საუბარი მიდის არჩევნებზე ეროვნულ ინტერესებზე დაფუძნებულ სუვერენულ განვითარებასა და გარედან კონტროლს შორის, ტრადიციულ ღირებულებებსა და გარედან დაწესებულ ნეოლიბერალურ დამოკიდებულებებს შორის", - ირწმუნება ლავროვი.