„შავი ორშაბათი საქართველოში“ | პრეზიდენტის გამოხმაურება პარლამენტის პირველ სესიაზე

„შავი ორშაბათი საქართველოში“ - ასე გამოეხმაურა საქართველოს პრეზიდენტი პარლამენტის პირველ სხდომას, რომელსაც მხოლოდ "ოცნება" ესწრებოდა. სალომე ზურაბიშვილმა სოციალურ ქსელში დაწერა, რომ  პოლიცია და სპეცრაზმი იცავენ კარებს, რომლის მიღმაც "ქართული ოცნების მონები" კლავენ კონსტიტუციას და მასხრად იგდებენ  საკანონმდებლო ორგანოს. პრეზიდენტმა ასევე აღნიშნა, რომ პარლამენტის სხდომა არაკონსტიტუციურია, რადგანაც არჩევნების მასობრივმა ფალსიფიკაციამ მის ლეგიტიმურობას ძირი გამოუთხარა, ასევე პირველი სესია მას არ მოუწვევია და მისივე სარჩელი საკონსტიტუციოშია შეტანილი.