"სარფის", "ლაგოდეხისა" და ,,ვალეს“ საბაჟოებზე დიდი ოდენობით არადეკლარირებული სიგარეტი აღმოაჩინეს

"სარფის", "ლაგოდეხისა" და ,,ვალეს“ საბაჟოებზე დიდი ოდენობით არადეკლარირებული სიგარეტი, მიმდინარე წლის 5-22 სექტემბერს, აღმოაჩინეს. ინფორმაციას შემოსავლების სამსახური ავრცელებს. 

უწყების ცნობით, ჯამში, 14 240 ღერი არადეკლარირებული სიგარეტი აღმოაჩინეს.

"მებაჟე ოფიცრებმა, რისკის პროფილისა და ეჭვის საფუძველზე, სხვადასხვა ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტომობილების, დეტალური დათვალიერების შედეგად, ჯამში, 14 240 ღერი არადეკლარირებული სიგარეტი აღმოაჩინეს. საქართველოს საბაჟო კოდექსის 168-ე მუხლის მე-3 ნაწილის შესაბამისად, კანონდამრღვევ მოქალაქეებს, სანქციის სახით, ჩამოერთვათ საქონელი და თითოეულს, ფულადი ჯარიმა - 1000 ლარის ოდენობით შეეფარდათ, საქართველოს საბაჟო კოდექსის 168-ე მუხლის მე-31 ნაწილის შესაბამისად, 3 კანონდამრღვევ მოქალაქეს, სანქციის სახით, სრულად ჩამოერთვა საქონელი და ვინაიდან ქმედება განმეორებით იყო ჩადენილი, ჯარიმა - 3000 ლარის ოდენობით შეეფარდა", - წერია განცხადებაში.