ქობულეთში, "მოწყვლადი კატეგორიის ოჯახებისათვის მინიმალური საცხოვრებელი პირობების შექმნის" ქვეპროგრამის ფარგლებში, განცხადებების მიღება იწყება

ქობულეთის მერიის ინფორმაციით, „მოწყვლადი კატეგორიის ოჯახებისათვის მინიმალური საცხოვრებელი პირობების შექმნის“ ქვეპროგრამის ფარგლებში, განცხადებების მიღება იწყება.

უწყების ცნობით, მუნიციპალიტეტში რეგისტრირებული ოჯახებისთვის, რომელთა საცხოვრებელი სახლი ამორტიზირებულია (შესაბამისი უფლებამოსილი ორგანოს /პირის მიერ გაცემული დასკვნის თანახმად), არ ექვემდებარება აღდგენას ან რეაბილიტაციას, მერია მცირე ფართიანი ინდივიდუალური სახლების მშენებლობის პროექტს ახორციელებს.

პროექტში ჩართვის მიზნით მოქალაქემ მუნიციპალიტეტის მერიაში უნდა წარმოადგინოს შემდეგი სახის დოკუმენტაცია:

ა) ინდივიდუალური მცირეფართიანი საცხოვრებელი სახლის მშენებლობის თაობაზე განაცხადი;
ბ) ცნობა ოჯახის შემადგენლობის შესახებ;
გ) განმცხადებლის და მისი ოჯახის წევრების პირადობის მოწმობის ასლი დედანთან ერთად, არასრულწლოვანი წევრების შემთხვევაში დაბადების მოწმობის ასლები;
დ) შესაბამისი სტატუსის და დამადასტურებელი დოკუმენტის ასლი (ამონაწერი სოციალურად დაუცველი ოჯახების მონაცემთა ერთიანი ბაზიდან, შშმპ, მარჩენალდაკარგული, მრავალშვილიანი და სხვა);
ე) ამონაწერი საჯარო რეესტრიდან.
ვ) გეოლოგიური დასკვნა;
ზ) ადმინისტრაციულ ერთეულში მერის წარმომადგენლის წერილი.

განაცხადის მიღება 29 იანვარს დაიწყება და 29 თებერვლამდე გაგრძელდება.