გადავარჩინოთ მთავარი - სოლიდარობის მარში ბათუმშიც გაიმართა

გადავარჩინოთ მთავარი - სოლიდარობის მარში თბილისის პარალელურად ბათუმშიც  გაიმართა. ჟურნალისტები, არასამთავრობო სექტორის წარმომადგენლები, პოლიტიკოსები და რიგითი მოქალაქეები ბათუმის ცენტრალურ პარკთან შეიკრიბნენ.

საპროტესტო მსვლელობით,  მონაწილეები მთავრობის სახლთან მივიდნენ. აღნიშნავენ, რომ ეს არის ბრძოლა,  სიტყვისა  და გამოხატვის თავისუფლებისთვის და ქვეყნის ევროპული მომავლისთვის. მედია ამჯერად მთავარი არხის გენერალური დირექტორის დაპატიმრებას აპროტესტებს.

ნიკა გვარამია, რამდენიმე დღის წინ 3 წლითა და 6 თვის ვადით პატიმრობაში გაუშვეს. სასამართლო მას, რუსთავი 2-ის ხელმძღვანელობის პერიოდში, ძალაუფლების არაკეთილსინდისიერად გამოყენებას ედავებოდა. 

მეტის ნახვა