პრეზიდენტმა საკონსტიტუციოს მიმართა | რა პროცედურებია წინ?

არჩევნებიდან თითქმის ერთი თვე გავიდა. „ქართული ოცნების“ გაპიარებული გამჭვირვალე და სამართლიანი არჩევნები არალეგიტიმურად მიაჩნია როგორც ოპოზიციას, ასევე მოსახლეობის დიდ ნაწილს და ხელახალი არჩევნების ჩატარებას ითხოვენ.  ევროპელ პარტნიორებს, რამდენიმე გამონაკლისის გარდა, მმართველი გუნდისთვის გამარჯვება არ მიულოცია. დედაქალაქში უწყვეტი საპროტესტო აქციები დაიწყო. ქვეყნის პრეზიდენტმა კი კენჭისყრის შედეგების არალეგიტიმურად ცნობის მოთხოვნით დღეს საკონსტიტუციო სასამართლოს მიმართა. დღის ბოლოს ცნობილი გახდა, რომ საკონსტიტუციო სასამართლოს არჩევნების არაკონსტიტუციურად ცნობის მოთხოვნით მიმართა პარლამენტის 30-მა წევრმაც.