აქცია ბათუმის მერიასთან

ბათუმის მერიასთან უსახლკარო მოქალაქეები შეიკრიბნენ. სოციალურად დაუცველებმა საცხოვრებლით უზურუნველყოფა მოითხოვეს. განაცხადეს, რომ უკვე ორი წელია ცდილობენ მერთან შეხვედრას, თუმცა უშედეგოდ. უკიდურესად გაჭირვებულებს საკრებულოს თავმდჯომარე მედიის გარეშე შეხვდა. რამაზ ჯინჭარაძემ ჩვენთან კომენტარზეც უარი განაცხადა.  როგორც აქციის მონაწილეებმა  გვითხრეს,  ჯინჭარაძე მათ  საკითხის შესწავლას და მოგვარებას შეჰპირდა. შეგახსენებთ, რომ უსახლკაროები აქციებს ბოლო რამდენიმე თვეა აქტიურად  მართავენ. ისინი ხელისუფლებისგან სტატუსის აღიარებას და ბინების  გადაცემას ითხოვენ.