ბათუმის 2023 წლის ბიუჯეტის პროექტის საჯარო განხილვები ადმინისტრაციულ ერთეულებში გრძელდება

ბათუმის 2023 წლის ბიუჯეტის პროექტის საჯარო განხილვები ადმინისტრაციულ ერთეულებში გრძელდება. შეხვედრები უკვე გაიმართა გონიო-კვარიათის, აეროპორტის, სამრეწველო, კახაბრის, მწვანე კონცხის, ბონი-გოროდოკისა და თამარის ადმინისტრაციულ ერთეულებში. ბიუჯეტის პროექტს დღეს ხიმშიაშვილისა და აღმაშენებლის ადმინისტრაციული ერთეულების მოსახლეობა გაეცნობა.

მომავალი წლის ბიუჯეტი, რომელიც პროექტის მიხედვით, 280 მილიონზე მეტს შეადგენს ახალი საბიუჯეტო წლის დაწყებამდე უნდა დამტკიცდეს. შეხვედრები ხვალ ძველი ბათუმისა და რუსთაველის ადმინისტრაციულ ერთეულებშია დაგეგმილი.