ჩინეთში, ქარხანაში გაჩენილ ხანძარს 36 ადამიანი ემსხვერპლა

ხანძარი ჩინეთში

ჩინეთში, ჰენანის პროვინციის ქალაქ ანიანში მდებარე ქარხანაში გაჩენილი ხანძრის შედეგად სულ მცირე 36 ადამიანი დაიღუპა.

ადგილობრივი ხელისუფლების წარმომადგენლების განცხადებით, ხანძრის ლიკვიდაციას ოთხი საათი დასჭირდა.

ჯერჯერობით გაურკვეველია, რამ გამოიწვია ხანძარი, თუმცა ადგილობრივ ხელისუფლებაში განმარტავენ, რომ მომხდარის გამო "დანაშაულში ეჭვმიტანილები" დააკავეს.

სახელმწიფო მედიის ცნობით, შემთხვევის ადგილზე 200-ზე მეტი მაშველი და 60 მეხანძრე მუშაობდა.

მეტის ნახვა