აქციაზე ნაცემი ქაცარავა 2 ათასი ლარით დააჯარიმა სასამართლომ და იარაღის ტარების უფლება ჩამოერთვა

აქციაზე სამართალდამცავების მიერ ნაცემი დავით ქაცარავა 2 000 ლარით დააჯარიმეს. გადაწყვეტილება თბილისის საქალაქო სასამართლომ მიიღო. ქაცარავას წინააღმდეგ საქმე ადმინისტრაციულ სამართალდარღვევათა კოდექსის 166-ე და 173-ე მუხლებით იყო აღძრული, რაც პოლიციელისადმი დაუმორჩილებლობასა და წვრილმან ხულიგნობას გულისხმობს. ჯარიმის გარდა, სანქციის სახით, მას ჩამოერთვა იარაღის ტარების უფლება 2 წლის ვადით. შეგახსენებთ, დავით ქაცარავა, რომელიც აგენტების კანონის წინააღმდეგ გამართულ აქციაზე დააკავეს და სცემეს, რამდენიმე დღის განმავლობაში კლინიკაში გადიოდა მკურნალობას. ის საქმეზე დაზარალებულადაა ცნობილი.

დავით ქაცარავა 2 000 ლარით დააჯარიმეს