ძლიერი მიწისძვრის შედეგად, თურქეთში 20-ზე მეტი ადამიანი დაშავდა - კადრები ეპიცენტრიდან

თურქეთის ჩრდილო-დასავლეთით, ქალაქ დუზჯეს მახლობლად 6.0 მაგნიტუდის სიმძლავრის მიწისძვრა მოხდა. ადგილობრივი მედიის ცნობით, მიწისქვეშა ბიძგები იმდენად ძლიერი იყო, რომ სტამბოლსა და დედაქალაქ ანკარაშიც იგრძნობოდა.

დაახლოებით 20 წუთის შემდეგ, კიდევ ერთი, 4.7 მაგნიტუდის სიმძლავრის მიწისძვრა დაფიქსირდა.

თურქეთის შინაგან საქმეთა მინისტრის თქმით, არ არსებობს ინფორმაცია მსხვერპლის შესახებ, თუმცა ჯანდაცვის მინისტრმა მოგვიანებით განაცხადა, რომ სულ მცირე 22 დაშავდა, მათ შორის ერთის ჯანმრთელობის მდგომარეობა მძიმეა.