საბერძნეთში დააკავეს ქართველი, რომელიც აფთიაქში შეიჭრა და თანხა მოიპარა

საბერძნეთში 34 წლის ქართველი დააკავეს - უცხოური მედიის ცნობით, კაცი აფთიაქში შეიჭრა და თანხა მოიპარა.

გამოცემა წერს, რომ ადგილზე საპატრულო პოლიციის ეკიპაჟი პატრულირებდა. ეკიპაჟმა კაცი გუშინ დილით, ამპელოკიფში, ფაქტზე დააკავა.

პოლიციის დაცვის დეპარტამენტმა განცხადება გაავრცელა და აღნიშნა, რომ 2021 წლის დეკემბრიდან დაკავებულმა იმავე ტერიტორიაზე დამატებით სამ დაწესებულებაში: საეკლესიო ნივთების მაღაზია, აფთიაქი და საკონდიტრო, შეიჭრა. ბერძნული პოლიციის ინფორმაციით, ქართველი კაცი ფულსა და სხვადასხვა პროდუქტს იპარავდა.