ბრალი წარუდგინეს პირს, რომელმაც ქედაში შშმ პირზე ჯერ იძალადა, შემდგომ კი გააუპატიურა

ბრალი წარუდგინეს პირს, რომელმაც ქედაში შშმ პირზე ჯერ იძალადა, შემდგომ კი  გააუპატიურა. პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით, სასამართლოს კანონით დადგენილ ვადაში მიმართავს. სექსუალური მოძალადე პოლიციამ გუშინ დააკავა. 30 წლამდე კაცი დაზარალებულის მეზობელია. ცნობილი ხდება, რომ ძალადობის მომენტში ქალი სახლში მარტო იმყოფებოდა. სისხლის სამართლის საქმეზე გამოძიება გრძელდება.  დანაშაული 10-დან 13 წლამდე ვადით თავისუფლების აღკვეთას ითვალისწინებს.