ბათუმის დამოუკიდებელ სასწავლო უნივერსიტეტს ავტორიზაცია გაუუქმდა

ბათუმის დამოუკიდებელ სასწავლებელს ავტორიზაცია გაუუქმეს. დაწესებულებაში რამდენიმე სახის კანონდარღვევა დაფიქსირდა. ავტორიზაციის საბჭოს სხდომის ოქმის ჩანაწერების მიხედვით, რამდენიმე სტუდენტი, სასწავლებელში ისე სწავლობდა, რომ პროფესიული პროგრამისთვის საჭირო გამოცდები არ ჩაუბარებია და არც ერთიან ელექტრონულ ბაზაში იყვნენ რეგისტრირებულნი.

პროფესიულ სასწავლებელში მონიტორინგი მას შემდეგ ჩატარდა, რაც ერთ-ერთი სოციალურად დაუცველი სტუდენტის დედამ, პრემიერს სწავლის გადახდის დაფარვის თხოვნით მიმართა, ეს სტუდენტი კი, ერთიან ელექტრონულ ბაზაში ვერ იპოვეს. სასწავლებლის ადმინისტრაციაში აცხადებენ, რომ ავტორიზაციის საბჭოს მიერ მიღებული გადაწყვეტილება უსამართლოა და სასამართლოში გაასაჩივრეს.

თემაზე რეპორტაჟი მზადდება.