ავტოსაგზაო შემთხვევის შედეგად, მოტოციკლის მძღოლი დაიღუპა

ავარია თბილისში - ერთმანეთს მოტოციკლი და მსუბუქი მანქანა შეეჯახა. შემთხვევა ღამით, მარშალ გელოვანის გამზირზე მოხდა.

"მთავარი არხის" ინფორმაციით, წინ მიმავალმა მანქანამ მოულოდნელად სწრაფად შეიცვალა სამოძრაო ზოლი, რა დროსაც უკნიდან მას მოტოციკლი დაეჯახა. მოტოციკლის მძღოლი, ახალგაზრდა ბიჭი, დაიღუპა.

შინაგან საქმეთა სამინისტროს ცნობით, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.