დღეიდან ბათუმსა და ხელვაჩაურში ბუნებრივი აირის მიწოდება შეწყდა

დღეიდან ბათუმსა და ხელვაჩაურში ბუნებრივი აირის მიწოდება შეწყდა. "სოკარ ჯორჯია გაზი აჭარას” ინფორმაციით, გაზმომარაგებაში შეზღუდვის მიზეზი ტექნიკური სამუშაოებია. კომპანიაში განმარტავენ, რომ გაზმომარაგების აღდგენა ეტაპობრივად, 13 ნოემბრის დილის 10:00 საათიდან დაიწყება და სავარაუდოდ, 14 ნოემბერს დასრულდება.

„სოკარ ჯორჯია გაზი“ აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები. დამატებითი დეტალების მისაღებად, შეგიძლიათ დარეკოთ ცხელ ხაზზე: 16 114