ერთ თვეში უკანონო ნადირობის 215 ფაქტი გამოვლინდა

გადამფრენ ფრინველებზე ნადირობის სეზონის გახსნიდან ერთ თვეში უკანონო ნადირობის 215 ფაქტი გამოვლინდა. ინფორმაციას გარემოსდაცვითი ზედამხედველობის დეპარტამენტი ავრცელებს. უწყების ცნობით, ყველაზე მეტი - 64 ფაქტი სამეგრელო-ზემო სვანეთში დაფიქსირდა.  57 სამართალდარღვევა  იმერეთში, 28 - შიდა ქართლში, 16 - გურიაში, 12 - კახეთში, 2კი  - აჭარაში გამოვლინდა. საერთო რაოდენობიდან 200 - აკრძალული იარაღით ან მეთოდით ნადირობის ფაქტებია. 15 შემთხვევაში სამართალდამრღვევები დაწესებული მოსაკრებლის გადახდის გარეშე ნადირობდნენ, 1 კი, ნადირობის წესების დარღვევაა, ბრაკონიერებმა უკანონოდ 27 ერთეული მწყერი მოინადირეს. გარემოსდაცვითი ზედამხედველობის დეპარტამენტთან დასაკავშირებლად უნდა დარეკოთ ცხელ ხაზზე: 153