“ასე ოცნებას ნამდვილად არ ჩავბარდები... თუ [ბრიუსელში] ვარ ეფექტური, ვიბრძოლებ აქ” | გიორგი გახარია

გიორგი გახარია აცხადებს, რომ საქართველოში დაბრუნებას აპირებს. პარტია "საქართველოსთვის" ლიდერი ასევე დასძენს, რომ ბრძოლისთვის მზადაა ნებისმიერი ადგილიდან  "რა თქმა უნდა, ვაპირებ [საქართველოში დაბრუნებას]. მე ბრძოლისთვის ვარ მზად, ნებისმიერი ფორმით და ნებისმიერ ადგილას [...] აი, ასე ოცნებას ნამდვილად არ ჩავბარდები. ყველამ ჩვენი საქმე უნდა გავაკეთოთ და ვიბრძოლოთ იქ, სადაც უფრო ეფექტურები ვართ - თუ აქ [ბრიუსელში] ვარ ეფექტური, ვიბრძოლებ აქ, თუ იქ ვარ ეფექტური, ვიბრძოლებ იქ, თუ ციხეში ვარ ეფექტური, ვიბრძოლებ ციხეში. ყველაზე ეფექტური ჩემი ყოფნა არის აქ, ამ ადამიანებთან"- ამბობს პარტია გახარია საქართველოსთვის ლიდერი, გიორგი გახარია ევროსკოპთან.