როგორ გამოიყურებოდა საქართველო ევროპულ რუკებზე XVI-XVII საუკუნეებში? - გამოფენა

როგორ გამოიყურებოდა საქართველო ევროპულ რუკებზე მე-16-18 საუკუნეებში, უნიკალური რუკების დათვალიერება ბათუმის სახელმწიფო უნივერსიტეტშია შესაძლებელი. ცნობილი მოგზაურების და კარტოგრაფების რუკებზე დეტალურადაა აღნიშნული საქართველოს სამეფოები, ერთიანი საქართველო, მისი რეგიონები, ქალაქები, ციხე ქალაქები და მდინარეები. გამოფენილი კოლექცია, სულხან სალაძეს ეკუთვნის.

წარმოდგენილია 26 რუკა და გრავიურა, რომლითაც დასტურდება, რამდენად დიდი როლი ჰქონდა ისტორიულად შავ ზღვას და ამ გზით ევროპულ ოჯახთან კავშირის იდეას. გამოფენა, ნიდერლანდების სამეფოსა და საქართველოს დიპლომატიური ურთიერთობების 30 წლისთავს მიეძღვნა. მას ორგანიზება „ღია სივრცე კავკასიამ“ გაუწია.

გამოფენა, ხვალიდან ქვეყნის სხვადასხვა ქალაქში გადაინაცვლებს.