უქმედ გამოცხადდეს რელიგიური უმცირესობებისთვის მნიშვნელოვანი დღესასწაულები - ტარიელ ნაკაიძის ინიციატივა პარლამენტს

საქართველოში მცხოვრები რელიგიური უმცირესობებისთვის მნიშვნელოვანი რელიგიური დღესასწაულები უქმედ გამოცხადდეს - ინიციატივა საქართველოს პარლამენტის წევრს ეკუთვნის. ტარიელ ნაკაიძის განცხადებით, კერძო თუ საჯარო სამსახურებში დასაქმებულებს არ ეძლევათ საშუალება მათთვის მნიშვნელოვანი თარიღები სრულფასოვნად აღნიშნონ.

მისი თქმით, წელიწადში სულ 6 დღეზეა საუბარი და მასში როგორც მუსლიმებისა და იეზიდების, ასევე ქრისტიანული რელიგიური უმცირესობების მნიშვნელოვანი დღესასწაულებიც მოიაზრება.