ქართული ნიგვზიანი ბადრიჯანი მსოფლიოს ვეგანური კერძების TOP-5 კერძს შორის მოხვდა - TasteAtlas

ქართული ნიგვზიანი ბადრიჯანი მსოფლიოს ვეგანური კერძების TOP-5 კერძს შორის მოხვდა. ამის შესახებ კულინარიული ენციკლოპედია TasteAtlas წერს. გამოცემის ინფორმაციით, ნიგვზიანი ბადრიჯანი მსოფლიოს ვეგანურ კერძებში მე-5 ადგილის იკავებს 4.5-ბალიანი შეფასებით.

ვეგანური კერძების Top-50-ში მოხვდა ქართული ლობიოც, რომელსაც 4.2- ბალიანი შეფასება აქვს, კერძი 35-ე ადგილს იკავებს.

აღსანიშნავია, რომ პირველი ადგილი ირანულმა ვეგანურმა კერძმა Zeytoon parvardeh-მა დაიკავა. ეს კერძი ირანის გილანის პროვინციიდანაა და ზეთისხილისა და ბროწეულის კომბინაციისგან შედგება. აღნიშნულ კერძსTasteAtlas-მა 4.8 ქულა მიანიჭა. მეორე ადგილზეა მექსიკური Guacamole, რომელიც ავოკადოს შიგთავსით მომზადებული სალათის ტიპის საჭმელია. მესამე ადგილზეა სირიული Muhammara, რომელშიც შედის ნიგოზი, მოხალული წიწაკა და ქონდარი.