ნიკა გვარამია პატიმრობაში გაუშვეს

ნიკა გვარამია პატიმრობაში გაუშვეს. ციხესთან თავისი ფეხით მისულ პოლიტიკოსს ბორკილები დაადეს. 

გვარამიას  წინასწარი პატიმრობა  წულუკიანის კომისიაზე მიუსვლელობის გამო შეუფარდეს. კოალიცია "ცვლილებისთვის" ერთ-ერთი ლიდერი, ციხეში თავისი ფეხით მივიდა და 112-შიც თავად დარეკა.

"ახლა გამოიტანეს ჩემი დაპატიმრების გადაწყვეტილება და ვარ რუსთავის ციხესთან" - უთხრა  112-ის ოპერატორს გვარამიამ.

დღეს, მოსამართლე ჯვებე ნაჭყებიამ ნიკა გვარამიას წულუკიანის კომისიაზე გამოუცხადებლობის გამო შეფარდებული გირაო პატიმრობით შეუცვალა. წულუკიანის კომისიაზე გამოუცხადებლობის გამო პატიმრობაში არიან ირაკლი ოქრუაშვილი, ნიკა მელია და ზურაბ ჯაფარიძე.