აჭარის ჯანდაცვის სამინისტრომ კიდევ ერთი პროგრამის დაფინანსება დაიწყო

აჭარის ჯანდაცვის სამინისტრომ ალკოჰოლის მიღებით გამოწვეული ფსიქიკური და ქცევითი აშლილობების სტაციონარული მომსახურების დაფინანსება დაიწყო. სერვისი “მოსახლეობის ინდივიდუალური სამედიცინო დახმარების” პროგრამის ფარგლებში ხორციელდება.

ბენეფიციარებს სტაციონარული მკურნალობა სრულად უფინანსდებათ. პაციენტს სამედიცინო დაწესებულების თავისუფალი არჩევანის უფლება აქვს. მოსარგებლე ვაუჩერის გაცემის პერიოდისათვის, ერთი წლის განმავლობაში უწყვეტად უნდა იყოს რეგისტრირებული აჭარის ავტონომიური რესპუბლიკის ტერიტორიაზე.