ქობულეთში, ქალს სალონში მესამე ხარისხის დამწვრობა მიაყენეს

ქობულეთში, ბაზრის მიმდებარე ტერიტორიაზე არსებულ ერთ-ერთ სალონში ქალს თავზე მესამე ხარისხის დამწვრობა მიაყენეს. თვითმხილველი TV25.GE-ის უყვება რომ მომხმარებელი სალონში თმის შესაღებად მივიდა, პროცედურების დასასრულს კი, მას სამედიცინო დახმარება დასჭირდა. 

"საშინელ მდგომარეობაში აქვს თავი, შესაძლოა თმაც აღარ ამოუვიდეს. ქალი სალონში ცუდად გახდა, კლინიკაშიც გადაიყვანეს," - გვითხრა თვითმხილველმა.

ფაქტს TV25.GE-ის უდასტურებს თავად დაზარალებულიც, თუმცა ქალს საჯაროდ საუბარი არ სურს.

"უკვე მოვაგვარეთ ეს საკითხი, საუბარი აღარ მსურს, უკომენტაროდ" - აცხადებს დაზარალებული.

ჩვენს კითხვებს ქობულეთის სასწრაფო სამედიცინო დახმარების ცენტრში არ უპასუხეს. 

[მასალა განახლებადია]