უშვილობის მკურნალობის პროგრამის ფარგლებში აჭარაში პირველი ბავშვი დაიბადა

უშვილობის მკურნალობის პროგრამის ფარგლებში აჭარაში პირველი ბავშვი დაიბადა. ახალშობილი აჭარის მთავრობის თავმჯდომარემ, თორნიკე რიჟვაძემ, აჭარის ჯანდაცვის მინისტრმა, ნინო ნიჟარაძემ და უმაღლესი საბჭოს ჯანდაცვის კომიტეტის თავმჯდომარემ, ილია ვერძაძემ მოინახულეს.

პროგრამა 2022 წელს დაინერგა, მიმდინარე წლიდან ბიუჯეტი გაიზარდა და 700 000 ლარს შეადგენს. პროგრამით აჭარაში მცხოვრები 300 000-მდე სარეიტინგო ქულის მქონე, სოციალურად დაუცველი და შეზღუდული შესაძლებლობის სტატუსის მქონე წყვილები სარგებლობენ.

ამ ეტაპისთვის, 150 ვაუჩერი გაიცა. ინფორმაცია, ვიდეო მასალასთან ერთად, აჭარის მთავრობის ადმინისტრაციამ მოგვაწოდა.