როგორია 25 წლის ბიჭის მდგომარეობა, რომელსაც გუშინ, ამწედან ჩამოვარდნილი მანქანა დაეცა? - კლინიკის განმარტება

25 წლის ბიჭის ჯანმრთელობის მდგომარეობა, რომელსაც გუშინ, ამწედან ჩამოვარდნილი მანქანა დაეცა, ისევ მძიმეა. 

პაციენტი BMC-ში ჰყავთ მოთავსებული. სამედიცინო დაწესებულებაში TV25.GE-ის უთხრეს, რომ ახალგაზრდა კლინიკაში მრავლობითი დაზიანებით შეიყვანეს და ოპერაცია ჩაუტარდა.

BMC-ის ინფორმაციითვე, დაშავებული რეანიმაციულ დეპარტამენტში, მართვით სუნთქვაზე იმყოფება.

შეგახსენებთ, გუშინ, 25 წლის ბიჭი მანქანის შეკეთების დროს დაშავდა. მას ამწედან ჩამოვარდნილი ავტომობილი დაეცა. შემთხვევა ხულოში მოხდა.