აჭარის უმაღლეს საბჭოს ორი ახალი პეტიციით მიმართეს - რას ითხოვენ მოქალაქეები?

აჭარის უმაღლეს საბჭოს ორი ახალი პეტიციით მიმართეს. მოქალაქე, ნესტან ანანიძე აჭარაში არსებული მუსლიმური საკულტო ნაგებობების აღრიცხვასა და მათი სარეაბილიტაციო სამუშაოების დაგეგმვას ითხოვს. მოქალაქე, მაია ქათამაძეს კი აქვს ინიციატივა, შშმ პირებისთვის „ადაპტირებული ტექნოლოგიების მხარდამჭერი პროგრამა“ იქნას უზრუნველყოფილი.

პეტიციებზე, დღეს, უმაღლესი საბჭოს ბიუროს სხდომაზე იმსჯელეს. სესიაზე გავა, ასევე, რეგლამენტში შესატანი ცვლილებების პროექტი. მომდევნო სხდომაზე დეპუტატებმა „აჭარის საბიუჯეტო პროცესისა და უფლებამოსილების შესახებ“ კანონპროექტიც უნდა დაამტკიცონ.