ბათუმში ივანიშვილის სიტყვით გამოსვლა ზღაპარი იყო | ენმ

სწორედ ბიძინა ივანიშვილის გამოსვლა და ქართული ოცნების პარტიული შეხვედრა იყო დღეს „ერთიანობა  ნაციონალურ მოძრაობაში“ ბრიფინგის თემა. ლევან ანთაძის განცხადებით, ოლიგარქმა აჭარაში მცხოვრებლებს მხოლოდ ზღაპრები მოუყვა. მისივე თქმით, კონკრეტული არაფერი თქმულა რეგიონში არსებულ გამოწვევებზე, მათ ათასობით სოციალურად დაუცველზე, მიგრაციაზე, გაჭირვებაზე, კორუფციაზე,  ურბანულ სიმახინჯეებსა და სხვა პრობლემებზე. ოპოზიციის წევრი ამბობს, რომ შეხვედრაზე მასწავლებლები, მოსწავლეები, საჯარო მოხელეები და პარტაქტივი სანახაობის საყურებლად მიიყვანეს.