დარჩენილი დრო 12 პრიორიტეტზე მეტი პროგრესის მისაღწევად უნდა იქნას გამოყენებული - ევროკავშირის ელჩი

წლის ბოლომდე დარჩენილი დრო, 12 პრიორიტეტზე მეტი პროგრესის მისაღწევად უნდა იქნას გამოყენებული - ამის შესახებ ევროკავშირის ელჩმა საქართველოში, პაველ ჰერჩინსკიმ აჭარაში ვიზიტისას ისაუბრა. დიპლომატის თქმით, ამჟამად, ევროკომისია ანგარიშის მოსამზადებლად მუშაობს, რომელიც ოქტომბერში გამოქვეყნდება.

ჰერჩინსკის განცხადებით, ამის შემდეგ, ევროკავშირის წევრი 27 სახელმწიფოს ლიდერი, უმაღლეს პოლიტიკურ დონეზე, გადაწყვეტენ რა შემდგომი ნაბიჯები უნდა გადაიდგას საქართველოს ევროკავშირში გაწევრიანების განაცხადთან დაკავშირებით.

ევროკავშირის ელჩის თქმით, მისი პირადი აზრია, რომ საქართველომ კანდიდატის სტატუსი უნდა მიიღოს.