თორნიკე რიჟვაძე ოფიციალური ვიზიტით აშშ-ში იმყოფება

ამერიკის შეერთებულ შტატებში, ოფიციალური ვიზიტის ფარგლებში, თორნიკე რიჟვაძემ, უძრავი ქონების ოსკარად წოდებულ 73-ე მსოფლიო კონგრესის გახსნის ცერემონიაში მიიღო მონაწილეობა. მაიამი მსოფლიო დაჯილდოებას 5-9 ივნისს უმასპინძლებს, სადაც ბათუმის სტადიონი საზოგადოებრივი ინფრასტრუქტურის  საერთაშორისო ჯილდოზეა წარდგენილი.

მასშტაბურ ღონისძიებაში, მსოფლიოს ათასობით წარმატებული კომპანია და 70-ზე მეტი ქვეყანა მონაწილეობს. ვიზიტის ფარგლებში დაგეგმილია შეხვედრები უძრავი ქონების, სამშენებლო და საინვესტიციო მიმართულებით.

ინფორმაციას, აჭარის მთავრობის ადმინისტრაცია ავრცელებს.