ბათუმი სოფლის ტურიზმის ფესტივალ "განდაგანას" უმასპინძლებს - ინფორმაცია

ბათუმი სოფლის ტურიზმის ფესტივალ „განდაგანას“ უმასპინძლებს. 25-26 ნოემბერს, საშემოდგომო დეკორაციებით გაფორმებულ ევროპის მოედანზე მთიანი აჭარა თავისი კულტურით, კულინარიით, ტრადიციებითა და რეწვის დარგებით იქნება წარდგენილი.

წელს, ფესტივალ "განდაგანას" ფარგლებში მთავარი აქცენტი აჭარული სამზარეულოსა და ხალხური რეწვის დარგების წარმოჩენაზე გაკეთდება.

მოეწყობა სპეციალური კვების კუთხე, სადაც აჭარის ხუთივე მუნიციპალიტეტისთვის დამახასიათებელ კერძებს მოამზადებენ, ჩატარდება მასტერკლასები და კულინარიული შეჯიბრებები.