აჭარის მთავრობის სახლთან უსახლკაროების უწყვეტი პროტესტი გრძელდება

უსახლკაროების უწყვეტი პროტესტი აჭარის მთავრობის სახლთან გრძელდება. ათ დღეზე მეტია იპოთეკით დაზარალებული, მეწყერსაშიშ ზონაში მცხოვრები, სოციალურად დაუცველი ადამიანები თორნიკე რიჟვაძესთან შეხვედრის მოთხოვნით აქციებს მართავენ. ისინი ფართებით დაკმაყოფილებას ითხოვენ და აცხადებენ, რომ მანამ არ გაჩერდებიან, ვიდრე ხელისუფლება მათ წუხილს არ გაიზიარებს. უარი თქვეს სახელმწიფოს შეთავაზებაზე. წინადადება თითოეულ მათგანზე 3 ათასი ლარის გადახდას და ქირით გაყვანას გულისხმობდა. ითხოვენ, მთავრობამ  მათთვის კორპუსი ააშენოს. აქციის მონაწილეები მათი მოთხოვნების არ გათვალისწინების შემთხვევაში პროტესტის შეწყვეტას არ აპირებენ.