ბათუმის სახელმწიფო უნივერსიტეტი სუსის დაკვეთით მუშაობს | ბსუ-ს სტუდენტი

ბათუმის სახელმწიფო უნივერსიტეტი სუსის დაკვეთით მუშაობს - ამის შესახებ ბსუ-ს სტუდენტი აცხადებს. სოციალურ ქსელში არჩილ ბერიძემ პოსტი გამოაქვეყნა და დაწერა, რომ საგანმანათლებლო დაწესებულების ადმინისტრაციის თანაშრომლები და კონკრეტული ლექტორ-მასწავლებლები მასზე და მის მეგობრებზე ირონიითა და სარკაზმით საუბრობენ, რაც დისკრედიტაციასა და სახელის შელახვას ემსახურება. ბერიძე ამბობს, რომ ამის მიზეზი მათ მიერ დაწყებული კამპანიაა სახელწოდებით, „წადი არჩევნებზე“ . ბსუ-ს სტუდენტმა კონკრეტული სახელ გვარები არ დაასახელა, თუმცა თქვა, რომ თუკი ამას სისტემატური სახე მიეცემა, ლექტორ-მასწავლებლების იდენტიფიცირებასაც მოახდენენ.