დაპირისპირება კერძო კომპანიასა და მოქალაქეებს შორის - აქცია თამარის დასახლებაში

დაპირისპირება კერძო კომპანიასა და მოქალაქეებს შორის. თამარის დასახლებაში მცხოვრებლები, ერთ-ერთ შპს-ს ტერიტორიაზე მაღაზიის აშენების უფლებას არ აძლევენ. ადგილობრივების თქმით, ხელისუფლება წინასაარჩევნოდ, ადგილზე, არა სავაჭრო ობიექტის, არამედ სტადიონისა და საბავშვო ატრაქციონების აშენებას დაპირდათ.

მალევე გაიგეს, რომ მიწის ნაკვეთი გაიყიდა და დასახლებაში მაღაზია უნდა გაიხსნას, რასაც ტერიტორიაზე მცხოვრებლები კატეგორიულად ეწინააღმდეგებიან. დღეს, ადგილზე, მძიმე ტექნიკა არ შეუშვეს, რასაც სიტყვიერი დაპირისპირება მოჰყვა.

331-ე კვარტალში ათამდე საპატრულო და კრიმინალური პოლიციის ეკიპაჟი იყო მობილიზებული. ბათუმის მერიაში ამბობენ, რომ მიწის ნაკვეთი აჭარის ფინანსთა და ეკონომიკის სამინისტროს ბალანსზე იყო, თუმცა, შპს-სთან შუამდგომლობას აანონსებენ.