გონიოს მიმართულებით ახალი მუნიციპალური სამარშრუტო ხაზი ამოქმედდა

გონიოს მიმართულებით ახალი მუნიციპალური სამარშრუტო ხაზი ამოქმედდა. "ბათუმის ავტოტრანსპორტის" ინფორმაციით სამარშრუტო ხაზზე იმოძრავებს #20 მიკროავტობუსი 11 წუთიანი ინტერვალით შემდეგი მიმართულებით:

"თბილისის მოედანი, ჭავჭავაძის ქ, აბუსერიძის ქ, აეროპორტის გზ, აფსაროსის ქ, კარანელის ქ (გონიო). უკუმიმართულება იგივე.

მიკროავტობუსები მხოლოდ მუნიციპალური ავტობუსების მოსაცდელებთან გააჩერებენ და მგზავრობის საფასურის გადახდა უკონტაქტო პლასტიკური ბარათებით იქნება შესაძლებელი.

მგზავრობის სტანდარტული ტარიფი - 50 თეთრია  და ძალაში რჩება ყველა ის საშეღავათო პროგრამა, რომელიც მუნიციპალურ ავტობუსებში მოქმედებს.

მიკროავტობუსები 07:00-დან 23:00 სთ-მდე იმოძრავებენ.",- წერია გავრცელებულ ინფორმაციაში