გუშინ მომხდარ მიწისძვრას ღამით 6 ბიძგი მოჰყვა

6.2 მაგნიტუდის სიმძლავრის მიწისძვრას, რომელიც საქართველოში გუშინ, თბილისის დროით 22:25 წუთზე მოხდა, ღამის განმავლობაში რამდენიმე ბიძგი მოჰყვა.

სეისმური მონიტორინგის ცენტრის ინფორმაციით, მათგან ყველაზე ძლიერი, 4.5 მაგნიტუდის სიმძლავრის მიწისძვრა მალევე მოხდა და ეპიცენტრი კვლავ სოფელ სამებასთან მდებარეობდა. შემდეგი ბიძგები კი 3.5, 4.1, 3.1, 3.1 და 3.5 სიმძლავრის იყო.

გუშინდელი ძლიერი მიწისძვრის შედეგად დმანისში საცხოვრებელი სახლის კედელი ჩამოინგრა, ბათუმში კი კორპუსი დაიბზარა.