ბრიფინგი ცესკოში

ცესკო ერთ-ერთი პოლიტიკური სუბიექტის მხრიდან საარჩევნო ადმინისტრაციის და საარჩევნო გარემოს დაზიანების მცდელობაზე საუბრობს. სპეციალურად გამართულ ბრიფინგზე ითქვა, რომ ხელოვნურად ორგანიზებული საჩივრების გზით, გრძელდება საუბნო საარჩევნო კომისიების დაკომპლექტების პროცესთან დაკავშირებული მანიპულაციური კამპანია. ცესკოს ინფორმაციით, 9 სექტემბერს, თითქმის ერთი და იგივე შინაარსის 15 საჩივარი შევიდა, რაც მათივე თქმით, ერთ-ერთი საარჩევნო სუბიექტის მხრიდან, საუბნო საარჩევნო კომისიების ხელმძღვანელებისა და წევრების არჩევის გასაჩივრების ორგანიზებული პროცესია.