დიდთოვლობის გამო ქობულეთის ნაწილს შუქი არ მიეწოდება

თოვლის საფარი 50 სანტიმეტრს აღწევს ქობულეთის მაღალი ზონის სოფლებში.  მუნიციპალიტეტის პრესსამსახურის ცნობით, მეორე დღეა, საავტომობილო გზების დეპარტამენტის ტექნიკით, ადმინისტრაციულ ცენტრებამდე მისასვლელი გზების გაწმენდა ინტენსიურად მიმდინარეობს. პარალელურად,  დღეიდან, მერიის ტექნიკით დაიწყო მუშაობა, რომელიც შიდა საუბნო გზების გაწმენდას განახორციელებს. პრობლემებია ელექტროეერგიის მიწოდების კუთხითაც, სოფელ ჩაისუბანში. ქობულეთის მერიის ცნობით, დენის მიწოდება მოსახლეობას დღის ბოლოსთვის აღუდგება.