სახელმწიფოს, საბავშვო ატრაქციონები რუსეთიდან ჩამოაქვს - „ფლანგვის დეტექტორი“

წლებია, სახელმწიფოს, პარკებისა და სკვერებისთვის საბავშვო ატრაქციონები და ტრენაჟორები რუსეთიდან ჩამოაქვს. ამის შესახებ ინფორმაციას „ფლანგვის დეტექტორი“ ავრცელებს. ორგანიზაცია წერს, რომ მხოლოდ 2014-2024 წლებში, შპს "ჯეო პარკს" თითქმის 17 მილიონი ლარი გადაუხადეს რუსეთიდან ტრენაჟორებისა და ატრაქციონების ჩამოსატანად. ქვეყნის მთავრობას არც მაშინ შეუჩერებია რუსული პროდუქციის შეძენა, როდესაც ოკუპანტმა უკრაინაში ომი დაიწყო. პირიქით, ომის დაწყების შემდეგ  ბიუჯეტიდან ამ მიმართულებით 2.5 მილიონი ლარი დაიხარჯა. გამოცემა აღნიშნავს, რომ "სიმბოლურია, რომ რუსული პროდუქციის შემომტანი კომპანია 2008 წლის 8 აგვისტოს დაფუძნდა".