7 წლის ბიჭი ანესთეზიის გაკეთების შემდეგ გარდაიცვალა - ოჯახის წევრები ექიმებს დაუდევრობაში ადანაშაულებენ

მანაგაძის სახელობის უროლოგიის ეროვნულ ცენტრში 7 წლის ბიჭი ანესთეზიის გაკეთების შემდეგ გარდაიცვალა.

ოჯახის წევრები ექიმებს დაუდევრობაში ადანაშაულებენ. გარდაცვლილი ბავშვის დედის განცხადებით, 7 წლის ბიჭს ანესთეზიის ზედმეტი დოზა გაუკეთეს.

სამედიცინო დაწესებულებაში კი აცხადებენ, რომ ანესთეზიის გაკეთების შემდეგ ბავშვს სუნთქვის დარღვევა დაეწყო და გული გაუჩერდა.

მათივე ცნობით, გარდაცვალების ზუსტი მიზეზი ექსპერტიზის შედეგად დადგინდება.

"ბავშვს საშარდე მილზე პედიატრიული უროლოგიური ოპერაცია უტარდებოდა. საწყის ნარკოზის ჩატარების შემდეგ რამდენიმე წუთში განვითარდა სუნთქვის დარღვევა, გულის რიტმის დარღვევა და გულის გაჩერება", - აცხადებენ კლინიკაში.