„აჩუქე ზღვას ახალი სიცოცხლე“ - დასუფთავების აქცია

„აჩუქე ზღვას ახალი სიცოცხლე“ – „სტუდფესტი 2024“ -ის ფარგლებში  ბათუმში დასუფთავების აქცია გაიმართა. ბათუმის ნავიგაციის სასწავლო უნივერსიტეტის სტუდენტებმა სასწავლებლის მიმდებარე ტერიტორიაზე, ზღვის სანაპიროზე ნარჩენები შეაგროვეს. სტუდფესტი 2024-ში მთელი ქვეყნის მასშტაბით მოქმედი  უნივერსიტეტებიდან 25 ათასამდე სტუდენტი ჩაერთვება. ზღვისპირა ქალაქიდან მასში 3 საგანმანათლებლო დაწესებულება მონაწილეობს. ღონისძიების ფარგლებში დაგეგმილია უნივერსიტეტებს შორის სპორტული ტურნირების ჩატარება, კულტურული,  შემოქმედებითი, ასევე  მოხალისეობრივი აქტივობები.