ბრალდებულებმა სახელმწიფო ტენდერში გაიმარჯვეს, თუმცა სამუშაოები არ შეასრულეს - სისხლის სამართლებრივი დევნა ორი პირის მიმართ დაიწყო

საგამოძიებო სამსახურმა სახელმწიფოს კუთვნილი დიდი ოდენობით თანხის თაღლითურად დაუფლების ფაქტებზე ორი პირის მიმართ სისხლის სამართლებრივი დევნა დაიწყო.

გამოძიების ინფორმაციით, ბრალდებულებმა სახელმწიფო ტენდერში გაიმარჯვეს, წარადგინეს ყალბი აქტები, თითქოს სამუშაოები შეასრულეს, ამ გზით კი საბიუჯეტო თანხას დაეუფლნენ. საუბარია 12 000 ლარზე.

პარალელურად, მათ ოთხი კომპანიის სახელით გაწერეს მილიონ 300 000 ლარის ღირებულების ყალბი ანგარიშფაქტურები, თითქოს სამუშაო შეასრულეს, რითაც შეიქმნეს 198, 853 ლარის დღგ-ს ყალბი აქტივი.