დაიღუპა ქვეითი, რომელსაც დილით, ბათუმში მანქანა დაეჯახა

დაიღუპა ქვეითი, რომელსაც მანქანა დაეჯახა. შემთხვევა დღეს დილით, ბათუმში, აბუსერიძის ქუჩაზე მოხდა. მანქანა სამ ქვეითს დაეჯახა, მათგან ორი კი მძიმედ დაშავდა.

"ბაუ საერთაშორისო ჰოსპიტალში" TV25.GE-ის უთხრეს, რომ 47 წლის ქალი ცოტა ხნის წინ გარდაიცვალა.

რაც შეეხება მეორე დაშავებულს, 54 წლის კაცს ოპერაცია ჩაუტარდა. პაციენტის ჯანმრთელობის მდგომარეობა მძიმეა.

ფაქტზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.