კაცს მატარებელი დაეჯახა - ის ადგილზე გარდაიცვალა

ადგილზე დაიღუპა კაცი, რომელსაც მატარებელი დაეჯახა. შემთხვევა ცოტა ხნის წინ, გორში, სოფელ ხიდისთავთან მოხდა.

როგორც ცნობილია, 40 წლამდე ასაკის მოქალაქე ლიანდაგებზე არაფხიზელ მდგომარეობაში გადადიოდა.

დამატებითი დეტალები ჯერჯერობით უცნობია.

შინაგან საქმეთა სამინისტროს ცნობით, ფაქტზე გამოძიება 275-ე მუხლის მე-4 ნაწილით ((რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიცოცხლის მოსპობა გამოიწვია) მიმდინარეობს.