კოალიცია „ძლიერი საქართველო“ სკოლების პოლიტიზირებაზე საუბრობს

სკოლების პოლიტიზირება, დირექტორების და მასწავლებლების საარჩევნო კამპანიაში იძულებით ჩართულობა და კადრების პოლიტიკური ნიშნით დანიშვნა -  ამ საკითხებზე ბრიფინგი კოალიცია ძლიერი საქართველოს წევრებმა გამართეს. ისაუბრეს იმაზე, თუ როგორ ხდება ზოგადსაგანმანათლებლო სფეროში მომუშავე ადამიანების რესურსის გამოყენება მმართველი ძალის სასარგებლოდ. როლანდ შავაძემ და აზა გაბუნიამ ამის მაგალითად, ხულოს მუნიციპალიტეტი მოიყვანეს. მათივე განცხადებით, თავისუფალ, დემოკრატიულად მოაზროვნე თაობებს სისტემური ჩარევის მსხვერპლი მასწავლებელი ვერ აღზრდის.