საქართველოში შესაძლოა, კიდევ ერთი უქმე დღე დაწესდეს - საკანონმდებლო ინიციატივა

საქართველოში შესაძლოა, კიდევ ერთი უქმე დღე დაწესდეს. ამის შესახებ საკანონმდებლო წინადადებაში წერია, რომელიც პარლამენტში უკვე წარადგინეს.

ინიციატორი თელავის მუნიციპალიტეტის გენდერული თანასწორობის საბჭოა (თენგიზ მთვარელიშვილი). წინადადება 1-ლი ივნისის, ბავშვთა დაცვის დღის, ოფიციალურად, უქმედ გამოცხადებას გულისხმობს.

პარლამენტის ბიუროს გადაწყვეტილებით, მისი განხილვა ჯანმრთელობის დაცვისა და სოციალურ საკითხთა კომიტეტს დაევალა. მიღებული გადაწყვეტილება კი კომიტეტმა კვლავ ბიუროს უნდა აცნობოს.