ხაზარაძე და ჯაფარიძე არჩევნებში მონაწილეობას მიიღებენ

"ჩვენი პოზიცია ისეთივეა, როგორიც ჩვენი სატუსაღოში მოთავსების დღემდე იყო - ეს არის ბრძოლა ჩვენი ქვეყნის ევროპული მომავლისთვის, ბრძოლა ყველა პოლიტიკური პატიმრის გათავისუფლებისთვის, ბრძოლა ახალი არჩევნებისთვის და ჩვენ რა გადაწყვეტილებაც გვქონდა მიღებული 74 დღის წინ, რის გამოც დაგვატუსაღეს, რომ არჩევნებში ჩვენ მონაწილეობას ვიღებთ, რა თქმა უნდა, ის გადაწყვეტილება ჩვენ არ შეგვიცვლია. სწორედ ამიტომ მოგვათავსეს სატუსაღოში, რომ ჩვენ ეს გადაწყვეტილება შეგვეცვალა", - თქვა ჯაფარიძემ.

"ეს არის ძალიან ბინძური საქციელი, როცა ჩვენი თანამებრძოლები ზუსტად იმავე მუხლით, იმავე "დანაშაულით" იხდიან სასჯელს. მე და ბადრი ჯაფარიძის დღეს გამოშვება, რომელსაც აბსოლუტურად არ ველოდებოდით, გამოგვიშვეს მხოლოდ და მხოლოდ ერთი რამის გამო, რომ მოხდეს დაპირისპირება, მოხდეს ე.წ. შავი ნიაღვრის და პიარის გადმოსხმა, რაც არ გამოუვათ იმიტომ, რომ ის რაც დღეს გააკეთა დღეს ე.წ. პრეზიდენტმა, ეს არის სამართლებრივი ნონსესი, ეს არის მანიპულირება ადამიანების თავისუფლებით, ეს არის კანონის ფეხქვეშ გათელვა, ეს არის ადამიანებით ვაჭრობა.

მე პირდაპირ გეუბნებით, თუ უახლოეს დღეებში ე.წ. პრეზიდენტი არ გამოუშვებს იმ დარჩენილ პოლიტპატიმრებს, რომლებიც ზუსტად იმავე მუხლით არიან დაპატიმრებულები, ეს იქნება კიდევ ერთი, ყველაზე დიდი ლუსტრაცია იმისა, რომ ბიძინა ივანიშვილი, ქართული ოცნება, მისი პრეზიდენტი იყენებს საქართველოს კანონმდებლობას პირადი ინტერესისთვის და ეს იქნება კიდევ ერთი ნათელი მაგალითი მსოფლიოსთვის, რომ ეს ადამიანები რაც შეიძლება სწრაფად უნდა მოვიშოროთ ხელისუფლებიდან", - თქვა ხაზარაძემ.