ახალი ამბები • 1726582469
შტატების უმკაცრესი გზავნილები და ადგილობრივი პოლიტიკოსების შეფასებები
შეერთებული შტატები ტონს კიდევ უფრო ამკაცრებს. „საქართველოს ტრაექტორია ძალიან გვაწუხებს. ბოლო დროს განხორციელებული ანტიდემოკრატიული ქმედებები, სამოქალაქო საზოგადოების შევიწროება და გამოხატვისა და შეკრების თავისუფლების სივრცის შემცირება ჩვენთვის შემაშფოთებელია“ - ამის შესახებ განცხადებას აშშ-ის ეროვნული უშიშროების საბჭოს ევროპის მიმართულების უფროსი დირექტორი აკეთებს. ამერიკის ხმასთან ინტერვიუში მაიკლ კარპენტერი ივანიშვილის გუნდის ბოლოდროინდელ ქმედებებს ანტიდემოკრატიულად აფასებს და ღიად ამბობს, რომ საგარეო კურსის ცვლილება და მმართველი პარტიის მიერ სამოქალაქო საზოგადოების შევიწროება უპასუხოდ არ დარჩება. ის ასევე ხაზს უსვამს ოქტომბრის არჩევნების მნიშვნელობას და ამბობს, რომ ამერიკა ახლოდან დააკვირდება კენჭისყრის პროცესს. პარტნიორების კრიტიკულ გზავნილს ადგილობრივ დონეზე ქართულ ოცნებაში არ აფასებენ, ოპოზიციაში კი ამბობენ, რომ განცხადებები ადეკვატური, ხისტი და მკაფიოა.
1726471681
1725957626
1725903423