აჭარაში, გარდაიცვალა 3 ინფიცირებული - დადასტურდა 801 ახალი შემთხვევა

აჭარის საზოგადოებრივი ჯანდაცვის ცენტრის ინფორმაციით, გასული დღე-ღამის განმავლობაში, რეგიონში, კოვიდი დაუდასტურდა 801 მოქალაქეს. 

უწყების ცნობით, ამ ეტაპზე, 4 209 ადამიანი მკურნალობს. მათგან Covid კლინიკებში - 607, Covid სასტუმროებში - 581, ონლაინ კლინიკაში - 3 021.

ბოლო 24 საათში, გამოჯანმრთელდა 426 პირი, ხოლო გარდაიცვალა 3 პაციენტი.

რაც შეეხება ქვეყნის მასშტაბით არსებულ ეპიდვითარებას, დღეს, საქართველოში, კოვიდ ინფიცირების ანტირეკორდი, 7 521 ახალი შემთხვევა დაფიქსირდა.