12 წელი გზის გარეშე - რა სირთულეების წინაშე დგანან ჩაქვის ჩაისუბანში მცხოვრებლები

12 წელი გზის გარეშე.  გიყვებით სოფელ ჩაქვის ჩაისუბანში მცხოვრებლების პრობლემებზე, რომელიც ადგილობრივმა ხელისუფლებამ ვერა და ვერ მოაგვარა. გზა იმდენად ამორტიზებულია, რომ სოფელში სამარშრუტო მიკროავტობუსიც არ დადის.  მოსახლეობის დიდ ნაწილს კი ყოველდღიურად 3 კილომეტრის  ფეხით გავლა უწევს. სიტუაცია განსაკუთრებით უამინდობისას მძიმდება, როცა გადაადგილებას ვერც მსუბუქი ავტომობილებით ახერხებენ.სოფელი, ფაქტობრივად, გარე სამყაროს წყდება. ადგილობირვები ჰყვებიან, რომ ქობულეთის მერიას ისინი მხოლოდ წინასაარჩევნოდ ახსენდება.